"二人餐"

我睇話劇的經驗真係少得幾可憐
上一次睇劇是08年薛凱琪x梁祖堯 “Last Smile, First Tear”
然後上一套竟然已是02年(驚!!)林奕華導演、吳彥祖有份演出的”快樂王子”
再上一套連名都不太記得起…好似係”遇上一九四九的女孩”

ok, 看我看劇的清單就知道我是那種膚淺的觀眾..
我承認我係因為喜歡fiona & daniel而去捧場
不過我也欣賞梁祖堯和林奕華的
而第三套就係當年讀書時, 見到學校周圍都是這套劇的poster
加上在學校新開張的綜藝館上演, 我呢d人貪新屎坑
於是就跟同學柴娃娃一起看…

我身邊有d朋友係話劇狂熱, 每個月至少看一至兩套
(原來話劇在香港有得做的..我以為在香港搞藝術的都會仆直..)
雖然我唔係特別熱衷話劇, 但又不排斥的
琴晚有朋友約我睇彭秀慧的”二人餐”
我諗都冇諗就應承左, 因為我真係無乜所謂兼有時間

haha, 今次睇完之後唔知又會等幾耐之後先睇下一套了..