假期過後...

由於聖誕假期那幾天都滯留家中養病, 兼無啖好食
至新年假期好番少少, 我就搏老命出街同喪食…

31/12: 睇”我愛紐約”. 朋友話好好睇啊, 我都覺得好睇, 不過要思考, 稍為慢半拍都會跟唔到…之後我地行左一陣街就食飯, 食完由尖沙咀行落佐敦食糖水, 之後想搵埋阿蘇介紹過的粥舖食粥同腸粉 (前世係咪餓鬼! 癲左!) 點知只靠我fd一句”近住碼頭”, 我地好似盲頭烏蠅咁, 即使反轉佐敦&油麻地一帶都搵唔到...最後我地只好黯然各自搭車返屋企@@...如果邊位知那間”近住碼頭”的粥舖在哪唔該通知聲, thanks!

1/1: 我認為BBQ係聖誕或新年假期必備的節目之一. 所以我感冒底未清都死”lur”朋友陪我BBQ. 好開心最後都湊夠幾隻腳, 嘻嘻哈哈過左開心的大半天, 而當日金句係來自友人E的”van仔快過小巴”, 佢一定係食炭食懵左… 我好珍惜當天的畫面喔! 以前一班人柴娃娃BBQ是很理所當然的, 至今天我才發現原來要湊幾隻腳BBQ是那麼困難, 我就知道, 也許我不是一個稱職的朋友, 也許你有你的新生活, 令你不再願與我為伍, 所以我更珍惜今天還視我為友的你們~

2/1: 唱K亦都係假期不可或缺的節目, 雖然我把聲未開晒, 我又死”lur”要唱K…對唔住瘋go, 要你耳仔受罪! 等我痊癒之後我地再K過! K完之後再約友人到大坑食飯, 我行緊去大坑途中, 見有檔雞蛋仔又忍唔住買來食, 其實我並唔餓只係口痕…去到餐廳, 我又唔知做乜咁好胃口清完台面d嘢食再去小甜谷食糖水…由於太飽的關係, 我地慢慢行返去銅鑼灣諗住搵間café坐低傾下偈…點知我地行左好多間都就快打烊咁款…雖然我地飽, 但唔代表想行咁多路嘛, 加上雨越落越大, 結果都係返去最行的starbucks坐…

經過幾日大吃大喝又勞累的假期後, 我都玩夠啦, 今日都係乖乖地抖下好了 ;)