化妝

我第一次化妝應該是中七畢業以後女仔化妝大抵是為了貪靚吧
而我, 由細到大化妝的目的只有一個, 遮瑕!

那麼, 這些年來我化妝的分別在於哪?

不在於化妝的技巧出神入化, 而在於要遮的範圍愈來愈大
撻上塊面的粉愈來愈厚, 搞的花款也愈來愈多
以前唔畫眼線的我, 自從有一日畫左眼線發覺搵番對眼之後
以後如要出席一些不能太失禮的場合, 我都會整番條線

化妝有如染上毒癮

一日”high”左佢, 以後都好難搣得甩
而且, 化妝那舖癮會愈來愈深…
總之, 人前人後, 都以最佳妝容示人
第時可能連落街買棵蔥都要搽粉底…

真羨慕王菲那些即使素顏都可以示人的人喔!